«Ювентус» клуби «Барселона» ҳужумчиси Роберт Левандовскини ўз сафига қўшиб олишга қизиқиш билдирмоқда.
La Gazzetta dello Sport нашри тарқатган маълумотларга кўра, Турин клуби футболчининг яқинлари билан дастлабки музокараларни ўтказиб улгурган. Эндиликда «Ювентус» ҳужумчининг жисмоний ҳолати, ўйини ва мотивациясини ўрганган ҳолда, унинг салоҳиятини янада чуқурроқ таҳлил қилмоқчи.
Роберт Левандовски 2022 йилда «Бавария»дан «Барселона»га 45 миллион евро эвазига ўтган эди. Унинг «кўк-анорранглилар» билан амалдаги шартномаси 2026 йилнинг 30 июнига қадар мўлжалланган. Жорий мавсумда ҳужумчи каталонияликлар сафида барча мусобақаларда 37 та ўйинда майдонга тушиб, 16 та гол урди ва 3 та голли узатмани амалга оширди.
