«Барселона» вингери Рафинья Бразилия терма жамоаси сафида Францияга қарши (1:2) кечган ўйинда сонининг икки бошли мушагидан жароҳат олди. Бу ҳақда As нашри хабар бермоқда.
Бразилиялик футболчи жорий мавсумда айнан шу турдаги жароҳат туфайли икки ойни ўтказиб юборган эди. Агар тиббий кўририк натижасида мушак йиртилиши тасдиқланса, Рафинья Чемпионлар лигаси чорак финали доирасидаги «Атлетико»га қарши ўйинларни ўтказиб юбориши деярли аниқ бўлади.
Жароҳат даражаси енгилроқ бўлган тақдирда ҳам, унинг 4 апрель куни Ла Лига доирасидаги «Атлетико» билан баҳсда майдонга тушиш эҳтимоли жуда паст баҳоланмоқда.
29 ёшли футболчи жорий мавсум Ла Лиганинг 20 та ўйинида майдонга тушиб, 11 та гол ва 3 та голли узатмани ўз ҳисобига ёздириб қўйишга улгурган эди.
