«Barselona» vingeri Rafinya Braziliya terma jamoasi safida Fransiyaga qarshi (1:2) kechgan o‘yinda sonining ikki boshli mushagidan jarohat oldi. Bu haqda As nashri xabar bermoqda.

Braziliyalik futbolchi joriy mavsumda aynan shu turdagi jarohat tufayli ikki oyni o‘tkazib yuborgan edi. Agar tibbiy ko‘ririk natijasida mushak yirtilishi tasdiqlansa, Rafinya Chempionlar ligasi chorak finali doirasidagi «Atletiko»ga qarshi o‘yinlarni o‘tkazib yuborishi deyarli aniq bo‘ladi.

Jarohat darajasi yengilroq bo‘lgan taqdirda ham, uning 4 aprel kuni La Liga doirasidagi «Atletiko» bilan bahsda maydonga tushish ehtimoli juda past baholanmoqda.

29 yoshli futbolchi joriy mavsum La Liganing 20 ta o‘yinida maydonga tushib, 11 ta gol va 3 ta golli uzatmani o‘z hisobiga yozdirib qo‘yishga ulgurgan edi.