«Реал Мадрид»нинг Родри борасидаги позицияси ўзгаришсиз қолмоқда — Мадрид клуби ҳамон «Манчестер Сити» ярим ҳимоячисини сотиб олиш ниятида эмас. Бу ҳақда As нашри хабар бермоқда.

Аввалроқ испаниялик футболчи «Реал» режаларига кирмаслиги ҳақида маълумотлар тарқалган эди. Орадан вақт ўтиб, Родри ўз интервьюсида бундай трансфер эҳтимолини инкор этмаслигини таъкидлаган: «Илгари «Атлетико»да ўйнаганим «Реал»да тўп суришимга тўсқинлик қилмайди. Дунёнинг энг яхши клубларига рад жавобини бериб бўлмайди — бошқалар ҳам бу йўлни босиб ўтишган».

Манба берган маълумотларга кўра, «Реал» раҳбарияти ҳали ҳам Родрини ярим ҳимояни кучайтириш учун номзод сифатида кўрмаяпти — клубнинг бу позиция учун бошқа мақсадлари бор.

29 ёшли испаниялик футболчининг «Манчестер Сити» билан амалдаги шартномаси 2027 йилгача мўлжалланган.