«Манчестер Сити» ярим ҳимоячиси Родри Англия Премьер-лигасининг айни пайтдаги энг яхши футболчиси ким эканини айтди.

«Мен учун ҳозир бу — Бруну Фернандеш. Рақамлар бор, ўйинга таъсири бор. У жамоаси учун ҳамма ишни қилади. Одамлар доим совринларга қарайди, лекин ўйинларни кузатсангиз, унинг қанчалик муҳим эканини тушунасиз. Голлар, узатмалар, етакчилик… у ҳамма жойда», — дея Родрининг сўзларини «шаҳарликлар» матбуот хизмати келтиради.

«Манчестер Юнайтед» ярим ҳимоячиси Бруну Фернандеш жорий мавсумда барча мусобақаларда 30 та ўйинда иштирок этиб, 8 та гол ва 17 та голли узатма қайд этган. Transfermarkt маълумотига кўра, футболчининг бозор қиймати 40 миллион еврони ташкил қилади.