Венгрия терма жамоаси бош мураббийи Марко Росси «Ливерпуль» устози Арне Слотнинг Доминик Собослаининг ўйин амалиёти борасидаги гапларига жавоб қайтарди.
Мерсисайдликлар бошқарувчиси венгрияликлар мураббийлар штаби ярим ҳимоячи клубда мунтазам ўйнаётгани сабабли уни асраши кераклигига шаъма қилган эди.
«Мен Слот билан ҳеч қачон шахсан гаплашмаганман ва унга бирор маслаҳат ҳам бермаганман. Масалан, мен ундан Собослаини ҳимояда ишлатмасликни сўрашим мумкин эди, лекин бундай қилмадим. Унинг талабларига қулоқ солмайман ва у ҳам, умид қиламанки, менинг ишимга аралашмайди. Албатта, агар Доминик дам олишни истаса, биз уни зўриқтирмаймиз, лекин сардоримиз учун терма жамоа қанчалик муҳимлигини ҳамма билади», — деди Росси матбуот анжуманида.
Бугун венгрияликлар Словения билан ўртоқлик учрашувида майдонга тушишади, сешанба куни эса Греция билан куч синашишади.
