Марокаш Сенегалдан Африка Кубогини тортиб олиш учун барча имкони бор қонуний процедураларни ишга солишга тайёр. Сенегалликлар аллақачон совринни ўз уйларига олиб кетишга улгуришган ва ҳозирда уни қайтариб беришни асло исташмаяпти.

Шунга қарамай, RMC Sport нашрининг аниқлик киритишича, марокашликлар совринни секвестр қилишни (даъвони таъминлаш мақсадида низоли мулкни суд қарори билан вақтинча учинчи шахсга топшириш) талаб қилишга тайёр.

Қизиғи шундаки, давлат бу ишга мамлакатнинг энг кучли адвокатларини жалб қилган. Улар орасида ижтимоий тармоқларда ушбу мавзуда тез-тез постлар қолдириб турадиган Мурод Елажути ҳам бор.