«Рома» ҳужумчиси Пауло Дибала тез орада эркин агентга айланиши мумкин. Аргентиналик футболчининг римликлар билан амалдаги шартномаси шу йилнинг июнь ойи охирида якунига етади. Журналист Экрем Конурнинг хабар беришича, 32 ёшли футболчига даъвогарлар сафига Туркиянинг «Фенербахче» клуби ҳам қўшилди. Шунингдек, Ла Лига ва МЛС вакиллари ҳам вазиятни кузатиб боришмоқда.
Пауло Дибала жорий мавсумда «Рома» сафида 22 та ўйинда майдонга тушиб, учта гол ва тўртта голли узатмани ўз ҳисобига ёздириб қўйди. Футболчи «бўрилар» сафига 2022 йилда «Ювентус»дан келиб қўшилган эди.
Ҳозирда «Фенербахче» Туркия чемпионати турнир жадвалида иккинчи ўринни эгаллаб турибди — пешқадам «Галатасарой» билан фарқ тўрт очкони ташкил этади.
