«Roma» hujumchisi Paulo Dibala tez orada erkin agentga aylanishi mumkin. Argentinalik futbolchining rimliklar bilan amaldagi shartnomasi shu yilning iyun oyi oxirida yakuniga yetadi. Jurnalist Ekrem Konurning xabar berishicha, 32 yoshli futbolchiga da’vogarlar safiga Turkiyaning «Fenerbaxche» klubi ham qo‘shildi. Shuningdek, La Liga va MLS vakillari ham vaziyatni kuzatib borishmoqda.
Paulo Dibala joriy mavsumda «Roma» safida 22 ta o‘yinda maydonga tushib, uchta gol va to‘rtta golli uzatmani o‘z hisobiga yozdirib qo‘ydi. Futbolchi «bo‘rilar» safiga 2022 yilda «Yuventus»dan kelib qo‘shilgan edi.
Hozirda «Fenerbaxche» Turkiya chempionati turnir jadvalida ikkinchi o‘rinni egallab turibdi — peshqadam «Galatasaroy» bilan farq to‘rt ochkoni tashkil etadi.
