«Барселона» марказий ҳимоячиси Рональд Араухо жамоадоши Рафинья Диаснинг жароҳати борасида ўз фикрини билдирди.
Вингер Бразилия терма жамоаси сафида Францияга қарши кечган ўртоқлик учрашувида жароҳат олди. Кейинчалик маълум бўлишича, «кўк-анорранглилар» юлдузи тахминан беш ҳафтани ўтказиб юборади.
«Рафиньянинг жароҳат олгани жуда афсуланарли. У биз учун қанчалик муҳим эканлигини ҳамма билади. Бироқ, якунда биз профессионалмиз ва нафақат клуб, балки ўз терма жамоаларимиз учун ҳам майдонга тушамиз», — дея уругвайлик Араухонинг сўзларини келтирмоқда BarcaTimes.
Ханс-Дитер Флик Чемпионлар лигаси чорак финали доирасидаги «Атлетико»га қарши баҳсларда Рафинья хизматидан фойдалана олмайди. Умумий ҳисобда «кўк-анорранглилар» ҳужум чизиғи етакчиси саккиз-тўққизта ўйинни ўтказиб юбориши мумкин.
