«Ювентус» яқин вақт ичида бош мураббий Лучано Спаллетти ва ҳужумчи Душан Влахович билан шартномаларни узайтиришдан умидвор.
Журналист Николо Скиранинг янгиланган ҳисоботида хабар беришича, агар «кекса синьора»нинг режаси бўйича кетса, ҳар иккала келишув яқин кунларда имзоланади. Турин клуби бу борада ҳеч қандай муаммо юзага келмаслигига ишончи комил. Италиялик мутахассис ва сербиялик форвард 2028 йилгача мўлжалланган шартномаларга қўл қўйишади. Спаллеттига йилига 6 миллион евро маош таклиф қилинган, Влаховичга эса йилига 7 миллион евро ва салмоқли миқдордаги имзо бонуси тўланишига тайёр туришибди.
«Ювентус»нинг навбатдаги ўйини 6 апрель куни бўлиб ўтади — жамоа «Женоа»га қарши майдонга тушади. «Бьянконери» 30 турдан кейин А Серия турнир жадвалида бешинчи ўринни эгаллаб турибди.
