Аргентина терма жамоаси бош мураббийи Лионель Скалони Мавританияга қарши кечган ўртоқлик учрашувидаги (2:1) жамоа ўйинини танқид қилди.
Амалдаги жаҳон чемпионлари учун ушбу баҳс кутилганидек осон кечмади. Биринчи бўлимда Энцо Фернандес ва Николас Пас гол уришган бўлса, мавританияликлар ўйин сўнгида битта жавоб тўпини киритишга муваффақ бўлишди.
«Биз иккинчи бўлимда ҳам, биринчисида ҳам ёмон ўйнадик. Жамоа очиқчасига кучсиз ҳаракат қилди ва мен бу ҳақда очиқ гапиришим керак. Биз ишлашимиз ва вазиятни тузатишимиз зарур. Яхшиямки, бу ҳолат ҳозир, ҳамма нарсани ўзгартириш учун вақтимиз борлигида юз бермоқда. Гап хотиржамликка берилишда деб ўйламайман. Ишлашда давом этамиз», — дея Скалонининг сўзларини келтирмоқда AlbicelesteTalk.
Мавритания терма жамоаси ФИФА рейтингида 115-ўринни эгаллаб турибди. 1 апрель куни аргентиналиклар қоғозда анча кучлироқ рақиб — 91-ўриндаги Замбия билан куч синашадилар.
