Англия терма жамоаси бош мураббийи Томас Тухель Уругвайга қарши кечган ўртоқлик учрашувида (1:1) ишқибозларнинг хатти-ҳаракатидан норозилигини билдирди.
Фанатлар тўрт йиллик танаффусдан сўнг илк бор миллий жамоа сафида майдонга тушган «Арсенал» ҳимоячиси Бен Уайтни ҳуштаклар билан кутиб олишди. 28 ёшли футболчи 69-дақиқада захирадан майдонга тушди ва қисқа вақт ичида ҳам қаҳрамонга, ҳам антиқаҳрамонга айланишга улгурди: 81-дақиқада у ҳисобни очди, бироқ ҳакам томонидан қўшиб берилган вақтда ўз жарима майдончаси ичида қоида бузди — Федерико Вальверде эса пенальтини аниқ амалга оширди.
«Мен ҳуштаклардан ҳафсалам пир бўлди. Албатта, биз ўз футболчиларимизни ҳимоя қилишимиз керак. Бен ўзини ажойиб кўрсатди ва майдонга тушишга лойиқ эди. Биз уни доим қўллаб-қувватлаймиз. У ҳаётида янги саҳифа очишга тайёр — биз эса унга бу имкониятни беряпмиз», — дея Тухельнинг сўзларини келтирмоқда журналист Фабрицио Романо.
Эслатиб ўтамиз, Бен Уайт Гарет Саутгейт даврида унинг ёрдамчиларидан бири билан юзага келган зиддият туфайли Англия терма жамоасида ўйнашдан бош тортиб келаётган эди.
