«Барселона» ярим ҳимоячиси Фермин Лопес энг сермаҳсул майдон маркази вакиллари рейтингида пешқадамлик қилмоқда. 22 ёшли футболчи Испания терма жамоасининг Сербияга қарши кечган ўртоқлик учрашувида Микель Оярсабалга голли узатма етказиб берди.
The Touchline нашрининг хабар беришича, Ферминнинг ҳисобида мавсум бошидан бери 29 та голли ҳаракат мавжуд — бу Европадаги энг яхши кўрсаткичдир. Рўйхатнинг иккинчи поғонасини «Манчестер Юнайтед»нинг португалиялик аъзоси Бруну Фернандеш эгаллаб турибди, у жами 28 та голда иштирок этган.
