«Barselona» yarim himoyachisi Fermin Lopes eng sermahsul maydon markazi vakillari reytingida peshqadamlik qilmoqda. 22 yoshli futbolchi Ispaniya terma jamoasining Serbiyaga qarshi kechgan o‘rtoqlik uchrashuvida Mikel Oyarsabalga golli uzatma yetkazib berdi.

The Touchline nashrining xabar berishicha, Ferminning hisobida mavsum boshidan beri 29 ta golli harakat mavjud — bu Yevropadagi eng yaxshi ko‘rsatkichdir. Ro‘yxatning ikkinchi pog‘onasini «Manchester Yunayted»ning portugaliyalik a’zosi Brunu Fernandesh egallab turibdi, u jami 28 ta golda ishtirok etgan.