Германия терма жамоаси ҳужумкор ярим ҳимоячиси Флориан Вирц Леннарт Карлнинг ўйини ҳақидаги фикрлари билан ўртоқлашди.

Кеча, 27 март куни Мюнхеннинг «Бавария» клуби аъзоси, 18 ёшли хавбек Швейцарияга қарши кечган ўртоқлик учрашувида (4:3) миллий жамоа сафида дебют қилди.

«Карл ҳақида жуда яхши таассурот қолди. Мен уни илк бор шу ҳафта машғулотларда кўрдим, у юқори даражадаги футболчи. У билан бирга ўйнаш жуда завқли», — дея Вирцнинг сўзларини келтирмоқда Bayern&Germany.

Жорий мавсумда Карл «Бавария» сафида барча турнирларда 35 та ўйинда иштирок этди ва ўз ҳисобига саккизта гол ҳамда олтита голли узатмани ёздириб қўйди. Transfermarkt ёш ярим ҳимоячини 60 миллион еврога баҳоламоқда.