Аргентина терма жамоасига қарши ўтказилган ўртоқлик учрашувидан сўнг Мавритания терма жамоасининг икки футболчиси рақибларнинг асосий юлдузи Лионель Мессининг либоси устида баҳслашиб қолишди. Ижтимоий тармоқларда тарқалган видеода африкалик икки футболчи Лео либоси кимга насиб қилишини узоқ вақт давомида ҳал қила олмаётгани акс этган.
Якунда баҳсда бўйи баландроқ ва гавдалироқ футболчи ғолиб чиқди. Иккинчи футболчига эса Родриго Де Паульнинг либоси насиб этди.
Эслатиб ўтамиз, ушбу баҳсда Аргентина Мавритания устидан кичик 2:1 ҳисобида ғалаба қозонди. Месси майдонга 46-дақиқада тушди, бироқ самарали ҳаракатлар билан ажралиб турмади.
