Аввалроқ «Ньюкасл»нинг юлдузли ярим ҳимоячиси Сандро Тонали шу ёзда жамоани тарк этиши мумкинлиги ҳақида хабар берилган эди.

Эндиликда маълум бўлишича, Англиянинг бошқа бир жамоаси — «Манчестер Юнайтед» ёзда италиялик футболчини сотиб олиш бўйича жиддий режалар тузмоқда. Ўз навбатида, «қарғалар» клуби собиқ ҳужумчи Александр Исак билан боғлиқ вазият такрорланмаслиги учун Тоналининг шахсий хоҳишини синчиклаб ўрганиб чиқмоқчи. Қайд этилишича, «қизил иблислар» сардори Бруну Фернандеш ҳам ушбу ярим ҳимоячининг трансфери ғоясини қўллаб-қувватламоқда.

Тоналининг «Ньюкасл» билан амалдаги шартномаси 2028 йилгача мўлжалланган. Transfermarkt портали 25 ёшли футболчини 80 миллион еврога баҳоламоқда. Жорий мавсумда Сандро 47 та ўйинда майдонга тушиб, 3 та гол урди ва 7 та голли узатмани амалга оширди.