Avvalroq «Nyukasl»ning yulduzli yarim himoyachisi Sandro Tonali shu yozda jamoani tark etishi mumkinligi haqida xabar berilgan edi.

Endilikda ma’lum bo‘lishicha, Angliyaning boshqa bir jamoasi — «Manchester Yunayted» yozda italiyalik futbolchini sotib olish bo‘yicha jiddiy rejalar tuzmoqda. O‘z navbatida, «qarg‘alar» klubi sobiq hujumchi Aleksandr Isak bilan bog‘liq vaziyat takrorlanmasligi uchun Tonalining shaxsiy xohishini sinchiklab o‘rganib chiqmoqchi. Qayd etilishicha, «qizil iblislar» sardori Brunu Fernandesh ham ushbu yarim himoyachining transferi g‘oyasini qo‘llab-quvvatlamoqda.

Tonalining «Nyukasl» bilan amaldagi shartnomasi 2028 yilgacha mo‘ljallangan. Transfermarkt portali 25 yoshli futbolchini 80 million yevroga baholamoqda. Joriy mavsumda Sandro 47 ta o‘yinda maydonga tushib, 3 ta gol urdi va 7 ta golli uzatmani amalga oshirdi.