Сенегал терма жамоаси Перуга қарши ўртоқлик учрашуви олдидан Африка миллатлар кубоги совринини мухлисларга кўрсатди. Жамоа сардори Калиду Кулибали ва бош мураббий Пап Тиав ўйин бошланишидан аввал «Стад де Франс» стадиони майдонига кубокни олиб чиқди. Футболчилар соврин билан "фахрий айлана"ни амалга оширди.

Аввалроқ Африка футбол конфедерацияси Марокаш томонининг апелляциясини қаноатлантириб, Африка кубоги финалида Сенегалга 0:3 ҳисобида техник мағлубият ёзгани маълум бўлган эди. Бунга сабаб — 90+8-дақиқада Браим Диасга нисбатан қоидабузарлик учун пенальти белгиланганидан сўнг сенегаллик футболчилар майдонни тарк этгани бўлган. Ўйин 13 дақиқадан сўнг қайта бошланган ва қўшимча вақтда Сенегал 1:0 ҳисобида ғалаба қозонган эди.