«Милан» клуби Никлас Фюллькругнинг келажаги борасида бир қарорга келди. «Россонерилар» ижара муддати якунланганидан сўнг ҳужумчининг трансфер ҳуқуқини «Вест Хэм»дан 5 миллион еврога сотиб олмайдиган бўлишди.

Matteo Moretto маълумотларига кўра, «Милан» бошиданоқ Фюллькруг билан боғлиқ келишувни оддий ижара сифатида кўриб чиққан. А Серия гранди сотиб олиш вариантини фақатгина германиялик футболчи ўзидан жуда ижобий таассурот қолдирган тақдирдагина фаоллаштириши мумкин эди, бироқ бу содир бўлмади.

Шу тариқа, 33 ёшли Фюллькруг ёзда «Вест Хэм» ихтиёрига қайтади. «Милан» эса аллақачон янги марказий ҳужумчи қидиришни бошлаб юборган.

Маълумот учун, Никлас Фюллькруг «Милан» сафида ўтказган 14 та ўйинида бор-йўғи битта гол уришга муваффақ бўлди.