«Milan» klubi Niklas Fyullkrugning kelajagi borasida bir qarorga keldi. «Rossonerilar» ijara muddati yakunlanganidan so‘ng hujumchining transfer huquqini «Vest Xem»dan 5 million yevroga sotib olmaydigan bo‘lishdi.

Matteo Moretto ma’lumotlariga ko‘ra, «Milan» boshidanoq Fyullkrug bilan bog‘liq kelishuvni oddiy ijara sifatida ko‘rib chiqqan. A Seriya grandi sotib olish variantini faqatgina germaniyalik futbolchi o‘zidan juda ijobiy taassurot qoldirgan taqdirdagina faollashtirishi mumkin edi, biroq bu sodir bo‘lmadi.

Shu tariqa, 33 yoshli Fyullkrug yozda «Vest Xem» ixtiyoriga qaytadi. «Milan» esa allaqachon yangi markaziy hujumchi qidirishni boshlab yuborgan.

Ma’lumot uchun, Niklas Fyullkrug «Milan» safida o‘tkazgan 14 ta o‘yinida bor-yo‘g‘i bitta gol urishga muvaffaq bo‘ldi.