«Атлетико»нинг собиқ ҳимоячиси Филипе Луис Мадрид клубининг сўнгги мавсумлардаги ўйини ҳақида ўз фикри билан ўртоқлашди.
«Мен «Атлетико»ни ҳозирги ҳолатида кўрганимда фахр туйғусини ҳис қиламан. Клуб мен кетган вақтдагидан кўра анча ўсди ва бунда раҳбариятнинг ўрни, Симеоненинг меҳнати ҳамда юқори савияли футболчиларнинг келгани муҳим рол ўйнади», — деди Луис Diario SPORT нашрига берган интервьюсида.
Филипе Луис «Атлетико» шарафини 2010 йилдан 2014 йилгача ҳамда 2015 йилдан 2019 йилгача ҳимоя қилган. «Матрасчилар» таркибида бразилиялик футболчи икки мартадан Испания чемпионати, Европа Лигаси ва УЕФА Суперкубогида, шунингдек, бир марта Испания Кубогида ғолиб чиққан. Ҳимоячи Мадрид клуби сафида жами 333 та ўйин ўтказиб, ўз ҳисобига 12 та гол ва 30 та голли узатмани ёздириб қўйган.
