«Atletiko»ning sobiq himoyachisi Filipe Luis Madrid klubining so‘nggi mavsumlardagi o‘yini haqida o‘z fikri bilan o‘rtoqlashdi.
«Men «Atletiko»ni hozirgi holatida ko‘rganimda faxr tuyg‘usini his qilaman. Klub men ketgan vaqtdagidan ko‘ra ancha o‘sdi va bunda rahbariyatning o‘rni, Simeonening mehnati hamda yuqori saviyali futbolchilarning kelgani muhim rol o‘ynadi», — dedi Luis Diario SPORT nashriga bergan intervyusida.
Filipe Luis «Atletiko» sharafini 2010 yildan 2014 yilgacha hamda 2015 yildan 2019 yilgacha himoya qilgan. «Matraschilar» tarkibida braziliyalik futbolchi ikki martadan Ispaniya chempionati, Yevropa Ligasi va UEFA Superkubogida, shuningdek, bir marta Ispaniya Kubogida g‘olib chiqqan. Himoyachi Madrid klubi safida jami 333 ta o‘yin o‘tkazib, o‘z hisobiga 12 ta gol va 30 ta golli uzatmani yozdirib qo‘ygan.
