«Челси» ҳимоячиси Мало Гюсто «кўклар» бош мураббийи Лиам Росеньор ҳақида ўз фикри билан ўртоқлашди.
«Мен Росеньорни энг яхши мураббийлардан бири деб ҳисоблайман, кўпчилик уни танқид қилганини кўрдим. Нима учун уни бунчалик тез-тез танқид қилишларини тушунмайман, у «Челси»га келганидан бери мен у билан кўп ишлаяпман.
Менимча, у топ-менеджер ва ҳали ёш. Аввал айтганимдек, биз унга ишонишимиз, қандай ўйнаётганимизга ишонишимиз ва режага амал қилишимиз керак. У яхши инсон, жуда ҳалол, жуда оддий ва ишига бўлган иштиёқи юқори эканлиги кўриниб турибди», — деди Гюсто «ESPN» нашрига берган интервьюсида.
Лиам Росеньор шу йилнинг январь ойида «Челси» бошқарувини қўлга олди ва клуб билан 2032 йилгача мўлжалланган шартнома имзолади. Ҳозирда Лондон клуби Англия Премьер-лигаси турнир жадвалида 31 турдан сўнг 48 очко жамғарган ҳолда олтинчи ўринни эгаллаб турибди.
