«Наполи» ва Бельгия терма жамоасининг юлдуз ярим ҳимоячиси Кевин де Брюйне халқаро фаолияти борасидаги режалари билан ўртоқлашди.
«Мен ишлаяпман ва оптимал ҳолатга кириб боряпман. Ўзимни анча яхши ҳис қиляпман. Терма жамоадаги фаолиятимга келсак, Жаҳон чемпионатидан кейин кетиш ниятим йўқ. Ўзимни яхши ҳис қилар эканман, ўйнашда давом этаман», — дея ярим ҳимоячининг сўзларини келтиради Tribalfootball.
Италия чемпионатининг жорий мавсумида 34 ёшли хавбек 11 та учрашувда майдонга тушиб, ўз ҳисобига тўртта гол ёздириб қўйди.
Жаҳон чемпионати — 2026 шу йилнинг ёзида АҚШ, Канада ва Мексикада бўлиб ўтади. Амалдаги чемпионлик унвони соҳиби Аргентина ҳисобланади.
