«Барселона» президенти Жоан Лапорта Лионель Мессининг Каталония клубини тарк этганидан афсусдами-йўқми, деган саволга жавоб берди.
«Мен қилишим керак бўлган ишни қилдим. Унинг «Барселона»да ўйнашда давом этишини истардим, аммо иқтисодий сабабларга кўра бунинг иложи йўқ эди. Мен шундай қарорга келишга мажбур бўлдим», — дея Лапортанинг сўзларини келтиради Barca Universal.
Лионель Месси 2003 йилдан 2021 йилгача «Барселона» шарафини ҳимоя қилган. Каталония клуби таркибида аргентиналик футболчи тўққиз марта Ла Лигада, саккиз марта Испания Суперкубогида, етти марта Испания Кубогида, тўрт марта Чемпионлар Лигасида, шунингдек, уч мартадан УЕФА Суперкубоги ва клублар ўртасидаги жаҳон чемпионатида ғолиб чиққан.
