Ярим ҳимоячи Бруну Фернандешнинг «Манчестер Юнайтед»даги келажаги сўроқ остида турибди.
Журналист Тайрон Маршаллнинг маълумотларига кўра, португалиялик футболчининг шартномасида 65 миллион евро миқдорида товон пули кўзда тутилган. Бироқ ушбу банд фақат хорижий клублар учун амал қилади. Бруну Фернандеш 2020 йилда 65 миллион евро эвазига «Спортинг»дан «Манчестер Юнайтед»га ўтган эди. Унинг «қизил иблислар» билан шартномаси 2027 йил 30 июнгача мўлжалланган.
Жорий мавсумда португалиялик футболчи Манчестер клуби сафида барча турнирларда 30 та ўйинда майдонга тушиб, 8 та гол урди ва 17 та голли узатмани амалга оширди. Transfermarkt портали Фернандешнинг қийматини 40 миллион еврога баҳоламоқда.
