Yarim himoyachi Brunu Fernandeshning «Manchester Yunayted»dagi kelajagi so‘roq ostida turibdi.

Jurnalist Tayron Marshallning ma’lumotlariga ko‘ra, portugaliyalik futbolchining shartnomasida 65 million yevro miqdorida tovon puli ko‘zda tutilgan. Biroq ushbu band faqat xorijiy klublar uchun amal qiladi. Brunu Fernandesh 2020 yilda 65 million yevro evaziga «Sporting»dan «Manchester Yunayted»ga o‘tgan edi. Uning «qizil iblislar» bilan shartnomasi 2027 yil 30 iyungacha mo‘ljallangan.

Joriy mavsumda portugaliyalik futbolchi Manchester klubi safida barcha turnirlarda 30 ta o‘yinda maydonga tushib, 8 ta gol urdi va 17 ta golli uzatmani amalga oshirdi. Transfermarkt portali Fernandeshning qiymatini 40 million yevroga baholamoqda.