Англиялик машҳур собиқ футболчи Дэвид Бекхэм Мадриднинг «Реал» клубидаги фаолиятини ёдга олди.
Собиқ ярим ҳимоячи 2003 йилда «Манчестер Юнайтед»дан «қироллик клуби» сафига кўчиб ўтган эди.
«Реал»даги илк кунимда машғулотга жуда вақтли келганим ёдимда. Бирдан Зидан, Раул, Фигу, Роналдо, Роберто Карлосларнинг бирин-кетин чиқиб келаётганини кўриб қолдим. Одатда мен ҳаяжонланмайман, лекин ўша сонияларда: «Тўхта, бу ерда ҳамма нарса бошқача экан», деб ўйладим. Менга қулайлик ҳудудидан чиқиш ёқади, шунинг учун бундай муҳитда ўйнаш мен учун ёқимли бўлган», — дея инглиз футболчисининг сўзларини келтиради Madrid Xtra.
2007 йилда Дэвид Бекхэм «Лос-Анжелес Гэлакси»га йўл олди, кейинчалик эса «Милан» ва «ПСЖ» клубларида ҳам тўп сурди.
