Даниянинг «Копенгаген» клуби ва бош мураббий Якоб Нееструп ўзаро хайрлашишга келишиб олдилар. Тегишли хабар жамоанинг расмий сайтида эълон қилинди.
Шунингдек, Нееструпнинг ёрдамчиси Стефан Мадсен ҳам жамоани тарк этмоқда.
«Бизда юзага келган вазият бўйича очиқ мулоқот бўлиб ўтди. Ушбу ҳамкорлик ўз йўлининг охирига етгани ва бизга янги бош мураббий кераклиги борасидаги хулосага тўлиқ қўшиламиз. Биз еврокубоклар йўлланмаси учун курашиш ўрнига, чемпионатда саккизинчи ўринни эгаллаб турибмиз ва хавфли зонадан (қуйи лигага тушиб кетиш ҳудудидан) атиги 6 очко масофада турибмиз. Табиийки, биз ҳеч қачон бундай аҳволда бўлмаслигимиз керак эди», — дейилади клуб раҳбариятининг баёнотида.
Нееструп 4 йил ичида жамоани уч марта мамлакат чемпионлигига, икки марта кубок ғалабасига ва уч бор УЕФА Чемпионлар Лигаси кампаниясига, жумладан, плей-офф босқичига олиб чиққан эди.
