Daniyaning «Kopengagen» klubi va bosh murabbiy Yakob Neestrup o‘zaro xayrlashishga kelishib oldilar. Tegishli xabar jamoaning rasmiy saytida e’lon qilindi.

Shuningdek, Neestrupning yordamchisi Stefan Madsen ham jamoani tark etmoqda.

«Bizda yuzaga kelgan vaziyat bo‘yicha ochiq muloqot bo‘lib o‘tdi. Ushbu hamkorlik o‘z yo‘lining oxiriga yetgani va bizga yangi bosh murabbiy kerakligi borasidagi xulosaga to‘liq qo‘shilamiz. Biz yevrokuboklar yo‘llanmasi uchun kurashish o‘rniga, chempionatda sakkizinchi o‘rinni egallab turibmiz va xavfli zonadan (quyi ligaga tushib ketish hududidan) atigi 6 ochko masofada turibmiz. Tabiiyki, biz hech qachon bunday ahvolda bo‘lmasligimiz kerak edi», — deyiladi klub rahbariyatining bayonotida.

Neestrup 4 yil ichida jamoani uch marta mamlakat chempionligiga, ikki marta kubok g‘alabasiga va uch bor UEFA Chempionlar Ligasi kampaniyasiga, jumladan, pley-off bosqichiga olib chiqqan edi.