Мадриднинг «Реал» клуби дарвозабони Тибо Куртуа яқин орада майдонга қайта олмаса керак.

Бельгиялик посбон Чемпионлар Лигаси чорак финали доирасида «Бавария»га қарши кечадиган ўйинларда иштирок этмаслиги деярли аниқ. «ESPN» нашрининг маълумотларига кўра, муаммо дастлаб тахмин қилинганидан кўра жиддийроқ бўлиб чиқди. Дарвозабоннинг мюнхенликларга қарши жавоб баҳсигача сафга қайтиши ҳақиқий мўъжиза бўлади.

7 апрель куни Альваро Арбелоа жамоаси ўз майдонида «Бавария»ни қабул қилади, 15 апрелда эса Мюнхенда иккинчи ўйин бўлиб ўтади.

Тибо Куртуа жорий мавсумда «Реал» сафида 41 та ўйин ўтказиб, жами 39 та гол ўтказиб юборди ва 15 бор ўз дарвозаси дахлсизлигини сақлаб қолди.