Лондоннинг «Арсенал» клуби собиқ футболчиси Андрей Аршавин Лионель Месси ёки Диего Марадонадан қай бирини энг зўр деб ҳисоблашини айтди.

«Мен учун барибир Месси (энг зўри). Шунчаки Марадона ва Пеле ўртасида танлов қилиш керак бўлса, мен Пелени танлайман. Нима учунлигини ўзим ҳам билмайман», — деди Аршавин.

Лионель Месси ҳозир 38 ёшда. Саккиз карра «Олтин тўп» соҳиби 2023 йилнинг ёзидан буён Американинг «Интер Майами» клубида тўп сурмоқда. Янги мавсумда аргентиналик футболчи барча турнирларни ҳисобга олганда олтита ўйинда иштирок этди ва бешта гол урди.

Мессининг «Интер Майами» билан амалдаги меҳнат шартномаси 2028 йил декабрь ойи охиригача мўлжалланган. Transfermarkt мутахассислари футболчининг қийматини 15 миллион еврога баҳоламоқдалар.