Игор Тудорнинг «Тоттенхэм»дан бўшатилиши АПЛ тарихидаги энг тезкор истеъфолар кучли бешлигидан жой олди.
Лондон клуби якшанба куни Тудорнинг истеъфога чиқарилганини эълон қилди. Хорватиялик мутахассис «Тоттенхэм»да 44 кун ишлади. Унинг қўл остида ўтказилган 7 та учрашувда «шпорлар» бор-йўғи битта ғалабага эришишди.
1992 йилда АПЛ ташкил этилганидан буён фақат учта истеъфо бундан ҳам тезроқ содир бўлган: 2006 йилда Лес Рид «Чарльтон»дан (41 кун), 2025 йилда Эндж Постекоглу «Ноттингем Форест»дан (40 кун) ва 2023 йилда Сэм Эллардайс «Лидс»дан (31 кун) кетган эди. Бу рўйхатда мураббий вазифасини вақтинча бажарувчилар ҳисобга олинмаган.
