«Бавария» клуби ҳимоячи Рафаэл Геррейру амалдаги шартномасини узайтирмаслигини ва 2026 йил ёзида жамоани тарк этишини маълум қилди. Мюнхенликлар спорт директори Макс Эберль ушбу қарорга изоҳ берди.

«Биз Рафага биз билан ўтказган вақти учун самимий миннатдорчилик билдирамиз: майдонда ҳамиша унга таяна олардик ва у ҳар қандай кийиниш хонасини бойитадиган инсонлардан бири. У билан музокараларимиз конструктив, ишонч ва ўзаро тушунишга асосланган тарзда ўтди. Ҳозир эса у билан бирга мавсумнинг қолган қисмидаги мақсадларимизга эътибор қаратмоқдамиз — олдимизда ҳали биргаликда амалга оширишимиз керак бўлган ишлар кўп», — дейилади Эберль сўзларида «Бавария» расмий сайтида.

Геррейру «Бавария» сафида 89 та учрашувда майдонга тушиб, 12 та гол урди ва 8 та голли узатмани амалга оширди.