«Bavariya» klubi himoyachi Rafael Gerreyru amaldagi shartnomasini uzaytirmasligini va 2026 yil yozida jamoani tark etishini ma’lum qildi. Myunxenliklar sport direktori Maks Eberl ushbu qarorga izoh berdi.

«Biz Rafaga biz bilan o‘tkazgan vaqti uchun samimiy minnatdorchilik bildiramiz: maydonda hamisha unga tayana olardik va u har qanday kiyinish xonasini boyitadigan insonlardan biri. U bilan muzokaralarimiz konstruktiv, ishonch va o‘zaro tushunishga asoslangan tarzda o‘tdi. Hozir esa u bilan birga mavsumning qolgan qismidagi maqsadlarimizga e’tibor qaratmoqdamiz — oldimizda hali birgalikda amalga oshirishimiz kerak bo‘lgan ishlar ko‘p», — deyiladi Eberl so‘zlarida «Bavariya» rasmiy saytida.

Gerreyru «Bavariya» safida 89 ta uchrashuvda maydonga tushib, 12 ta gol urdi va 8 ta golli uzatmani amalga oshirdi.