«Барселона»нинг ўнг ва чап қанот ҳимоячилари Жюль Кунде ҳамда Алекс Бальде Испания чемпионатининг 30-туридан ўрин олган Мадриднинг «Атлетико»сига қарши баҳсда майдонга тушишлари мумкин. Бу ҳақда Mundo Deportivo нашри хабар берди. Учрашув 4 апрель, шанба куни бўлиб ўтади.

Нашр маълумотига кўра, каталонияликлар фулбеклари мушак жароҳатларидан тўлиқ тикланган ва жамоа машғулотларида иштирок этган. Шу билан бирга, «кўк-анорранглилар» ярим ҳимоячиси Френки де Йонгнинг ҳолати ҳали ҳам сўроқ остида қолмоқда. У ўнг оёғининг икки бошли мушаги жароҳати сабаб бир ойдан ортиқ вақтдан бери ўйинларда қатнашмаяпти.

Ҳозирги вақтда «Барселона» 73 очко билан Ла Лига жадвалида пешқадамлик қилмоқда. Мадриднинг «Реал» жамоаси 69 очко билан иккинчи ўринда бормоқда. 57 очко жамғарган «Атлетико» эса тўртинчи поғонада жойлашган.