"Барселона" юлдузи Рафинья жиддий эмоционал зарбага учради. Футболчи Бразилия терма жамоаси сафидаги ўйинда олган жароҳатидан қаттиқ хафа бўлган. Бу ҳақда RAC1 нашри хабар бермоқда.
Рафиньяга "Барселона" томонидан келаси ҳафтагача Бразилияда қолишга рухсат берилди. Шу билан бирга, 29 ёшли футболчи клуб томонидан белгиланган тикланиш режасига қатъий амал қилмоқда.
Ўтган ҳафтада Рафиньянинг тикланиши учун тахминан беш ҳафта вақт кераклиги эълон қилинган эди. Виндер 10 май кунига белгиланган "Эль-Класико" арафасида сафга қайтиши кутилмоқда. Бразилиялик футболчининг "кўк-анорранглилар" билан шартномаси 2028 йилнинг ўрталаригача мўлжалланган.
Маълумот учун, "Барселона" ўзининг навбатдаги учрашувини 4 апрель куни Ла Лига доирасида "Атлетико"га қарши ўтказади.
