"Barselona" yulduzi Rafinya jiddiy emosional zarbaga uchradi. Futbolchi Braziliya terma jamoasi safidagi o‘yinda olgan jarohatidan qattiq xafa bo‘lgan. Bu haqda RAC1 nashri xabar bermoqda.
Rafinyaga "Barselona" tomonidan kelasi haftagacha Braziliyada qolishga ruxsat berildi. Shu bilan birga, 29 yoshli futbolchi klub tomonidan belgilangan tiklanish rejasiga qat’iy amal qilmoqda.
O‘tgan haftada Rafinyaning tiklanishi uchun taxminan besh hafta vaqt kerakligi e’lon qilingan edi. Vinder 10 may kuniga belgilangan "El-Klasiko" arafasida safga qaytishi kutilmoqda. Braziliyalik futbolchining "ko‘k-anorranglilar" bilan shartnomasi 2028 yilning o‘rtalarigacha mo‘ljallangan.
Ma’lumot uchun, "Barselona" o‘zining navbatdagi uchrashuvini 4 aprel kuni La Liga doirasida "Atletiko"ga qarshi o‘tkazadi.
