"Челси"нинг собиқ сардори Жон Терри жамоа ярим ҳимоячиси Энцо Фернандес ва ҳимоячи Марк Кукурельянинг сўзларига муносабат билдирди. Аввалроқ аргентиналик футболчи "Реал"га, испаниялик эса "Барселона"га ўтиш имкониятини инкор этмаган эди.
"Челси" энди аввалгидек клуб эмас. Педро, Сеск Фабрегас, Клод Макелеле ва Самуэль Это'О каби юлдузлар "Челси"да ўйнаш учун "Барселона" ва "Реал"дан кетишган. Ўша пайтда футболчилар "Челси"га ўтишдан бош тортишмасди.
Аммо бугунги кунда футболчилар "Челси"ни тарк этиб, Ла Лигага ўтишни хоҳлашмоқда. Клубнинг номи сўниб бораётгандек туюляпти", — деди Терри.
Жон Терри 1998 йилдан 2017 йилгача "Челси" шарафини ҳимоя қилган. Ҳимоячи "кўклар" сафида жами 717 та ўйин ўтказиб, 67 та гол ва 29 та голли узатмани амалга оширган.
