Мюнхеннинг "Бавария" клуби марказий ярим ҳимоячиси Леон Горецка "Манчестер Юнайтед"нинг трансфер нишонига айланди. Бу ҳақда Sport Witness нашри хабар бермоқда.

Манба берган маълумотларга кўра, ёзда манкунианликлар германиялик ярим ҳимоячи учун курашга киришадилар — у жамоадан кетаётган Каземиронинг ўрнини босиш учун муносиб номзод сифатида кўрилмоқда.

Маълумки, "Бавария" мавсум якунида шартномаси тугайдиган Горецка билан келишувни узайтириш ниятида эмас. Аввалроқ, "Бавария" хавбекига "Милан" ва Лондоннинг "Арсенал" клублари фаол қизиқиш билдираётгани ҳақида хабар берилган эди.

Жорий мавсумда 31 ёшли Горецка барча мусобақаларда 37 та ўйинда майдонга тушиб, 2 та гол урди ва 2 та голли узатмани амалга оширди.