"Ливерпуль" ҳимоячиси Виржил ван Дейк фаолиятини Туркияда давом эттириши мумкин. Fotomac нашрининг хабарига кўра, нидерландиялик футболчининг трансферига "Галатасарой" қизиқиш билдирмоқда.
Туркия клуби футболчининг трансферини шу ёзда амалга оширишни истамоқда. "Галатасарой" президенти Дурсун Озбек ван Дейкни сотиб олишни ўзининг орзуси деб ҳисоблайди.
Виржил ван Дейк 2018 йилда "Саутгемптон"дан "Ливерпуль"га 84 миллион евро эвазига ўтган эди. Унинг "қизиллар" билан шартномаси 2027 йилнинг 30 июнига қадар мўлжалланган.
Жорий мавсумда ҳимоячи инглиз клуби сафида барча мусобақаларда 45 та ўйинда майдонга тушиб, 5 та гол урди ва 3 та голли узатмани амалга оширди. Transfermarkt портали ван Дейкнинг қийматини 18 миллион еврога баҳоламоқда.
