FIDE томонидан ташкил этилган шахмат бўйича 2026 йилги Жаҳон чемпионлиги учун йўлланма берувчи талабгорлар мусобақасида бугун 3-тур баҳслари бўлиб ўтди.

Жавоҳир Синдаров ушбу турда ҳиндистонлик кучли гроссмейстер Рамешбабу Прагнанандҳага қарши қора доналарда ўйнади. Баҳснинг 13-юришида ҳамюртимиз ўзининг Отини қурбон қилиб, рақибнинг 2 та пиёдасини уриб олиш билан бирга Рамешбабуни рокировкадан маҳрум қилди. Шундан сўнг Жавоҳир ўзи учун қулай ҳужумкор вазиятни қўлга киритди ва босимни бошлади.

Томонлар цейтнотга тушиб қолгани учун баъзи хатолар кузатила бошланди. Сўнгги қўпол хато эса Прагнанандҳа томонидан амалга оширилди. Жавоҳир дарҳол бу хато учун ҳиндистонлик шахматчи жазолади. Натижада Рамешбабу Прагнанандҳа 40-юришдан кейин таслим бўлди.

Бугунги ғалабадан кейин Синдаров 2,5 очко тўплаган ҳолда Фабиано Каруана бир бирга пешқадам бўлиб турибди. Икки шахматчи ҳисобида 1,5 очко бор.

3-турда қуйидаги натижалар қайд этилди:

Рамешбабу Прагнанандҳа - Жавоҳир Синдаров - 0:1
Маттиас Блюбаум - Андрей Есипенко - 0,5:0,5
Фабиано Каруана - Вей Йи - 1:0
Хикару Накамура - Аниш Гири - 0,5:0,5

Жавоҳир Синдаров 4-турда Фабиано Каруанага қарши оқ доналарда ўйнайди.