Босния ва Герцеговина терма жамоаси бош мураббийи Сергей Барбарез Жаҳон чемпионати — 2026 йўлланмаси учун кечган «А» йўли плей-офф финалида Италия устидан қозонилган ғалабани (1:1, пенальтилар сериясида — 4:1) изоҳлади.
«Мен футболчиларимга: "Майдонга тушинг ва ўйиндан завқ олинг", деб айтдим. Мен ҳали бирор марта ўйинни бунчалик хотиржамлик билан бошлаб, бунчалик хотиржам якунламаган эдим. Биринчи бўлим бошида муаммоларимиз бор эди: ўйинимиз ташкиллаштирилмаганди, керакли позицияларни эгалламадик ва рақибни назорат қила олмадик. Шу сабабли бир нечта қарши ҳужумларни ўтказиб юбордик. Лекин сиз кўрдингиз — биз ҳатто бир киши кам бўлиб ҳам ажойиб ҳимояланган жаҳон даражасидаги жамоага қарши ўйнаб, бошиданоқ ғалабага ишонгандик», — дея Барбарезнинг сўзларини УЕФА расмий сайти келтирмоқда.
Тарихда илк бор Жаҳон чемпионлигини қўлга киритган терма жамоа кетма-кет уч марта дунё биринчилигининг финал босқичида иштирок этмайдиган бўлди.
