Италия терма жамоаси ЖЧ-2026 йўлланмаси учун кечган «А» йўли плей-офф финал босқичида Босния ва Герцеговинага имкониятни бой берди (1:1, пенальтилар сериясида — 1:4). Шу тариқа, «Скуадра Адзурра» ўз тарихида илк бор кетма-кет учта дунё биринчилигини ўтказиб юборадиган бўлди.
Италияликлар ушбу воқеага жуда ҳиссиётли тарзда муносабат билдиришди. Кўплаб футболчилар тиз чўкиб, юзларини қўллари билан тўсганча ўз туйғуларини яширишга ҳаракат қилишди. Шунингдек, ўйиндан сўнг италияликлар дарвозабони Жанлуиджи Доннарумма Босния ва Герцеговина вакилларидан бири билан жанжаллашиб кетишига сал қолди (муштлашишга чоғланди).
Ҳозирги вақтга келиб, италияликлар охирги марта 2014 йилги Жаҳон чемпионатида иштирок этишган. Таъкидлаш жоизки, «Скуадра Адзурра» тўрт карра Жаҳон чемпиони ҳисобланади.
