1 апрель тонгида Аргентина ва Замбия терма жамоалари ўртасидаги ўртоқлик учрашуви якунланди. Баҳс Буэнос-Айрес (Аргентина) шаҳридаги «Бомбонера» стадионида бўлиб ўтди. Учрашувда мезбонлар 5:0 ҳисобида йирик ғалабани қўлга киритди.

Ғолиблар таркибида Хулиан Альварес, Лионель Месси ва Валентин Барко гол урди. Шунингдек, ҳимоячи Николас Отаменди пенальтидан аниқ зарба йўллади. Яна бир голни Замбия ҳимоячиси Доминик Чанда ўз дарвозасига киритиб қўйди.

2026 йилда АҚШ, Канада ва Мексикада бўлиб ўтадиган жаҳон чемпионатида аргентиналиклар J гуруҳида иштирок этади. Уларнинг рақиблари Жазоир, Австрия ва Иордания терма жамоалари бўлади. Ушбу гуруҳнинг барча учрашувлари АҚШда ўтказилади.

Ўртоқлик ўйини.
2026 йил 1 апрель, чоршанба. 04:30.
Аргентина — Замбия — 5:0
Голлар: Альварес 4 (1:0), Месси 43 (2:0), Отаменди 50 (3:0), Чанда 68 (4:0, автогол), Барко 90+4 (5:0)