«Манчестер Юнайтед» ярим ҳимоячиси Карлос Каземиро манкунианликлар клубидаги сўнгги кунида кўз ёшларини тийиш унга қийин бўлишини таъкидлади.

«МЮ»даги охирги кунимда кўз ёшларимни тутиб туриш мен учун мушкул бўлади. Рафиқам жамоада яна бир йил қолишим ҳақидаги чақириқларни эшитгандаёқ йиғлаб юборган эди. Мен умримнинг охиригача «МЮ»нинг бир қисми бўлиб қоламан», — деди бразилиялик футболчи «қизил иблислар» матбуот хизматига.

Эслатиб ўтамиз, аввалроқ Каземиро мавсум якунида «МЮ»дан кетишини расман эълон қилган эди. Ҳозирда футболчи 34 ёшда бўлиб, у «қизил иблислар» сафига 2022 йилнинг ёзида, Эрик тен Хаг даврида келиб қўшилган эди. «Сан-Паулу» тарбияланувчиси ҳисобланган Каземиро 2013 йилдан 2022 йилгача Мадриднинг «Реал» клубида тўп сурган.