«Барселона» футболчиси Ламин Ямал Испания терма жамоаси мухлисларининг хатти-ҳаракатидан ҳафсаласи пир бўлди. Сешанба куни «қизил фурия» Миср терма жамоаси билан ўртоқлик учрашувида дуранг ўйнади (0:0).

Ўйин давомида «Эспаньол» стадионига келган мухлислар Ямалга қаратилган ҳақоратли ҳайқириқларни ишлатишди, бу эса ёш вингерни қаттиқ хафа қилди. SER нашри берган маълумотга кўра, финал ҳуштагидан сўнг футболчи томошабинларга миннатдорчилик билдириб ўтирмаган ва стадионни барча жамоадошларидан олдинроқ тарк этган.

Ламин Ямал учрашувнинг биринчи бўлими якунига қадар ҳаракат қилди ва шундан сўнг алмаштирилди.

Эслатиб ўтамиз, 4 апрель куни «Барселона» навбатдаги ўйинини ўтказади — Мадриднинг «Атлетико» клуби рақиблик қилади.