Италия терма жамоаси кетма-кет учинчи бор жаҳон чемпионатини ўтказиб юборади. Саралашнинг плей-офф финалида Женнаро Гаттузо шогирдлари 1:1 ҳисобидаги дурангдан сўнг, пенальтилар сериясида Босния ва Герцеговинага имкониятни бой беришди.
Қизиғи шундаки, пенальтилар серияси вақтида икки дарвозабон ўртасида кичик можаро келиб чиқди. Босниялик Никола Васильнинг ёнида "шпаргалка" бор эди — унда италиялик футболчилар пенальтини одатда қайси томонга тепишлари кўрсатилган бўлган. «Манчестер Сити» дарвозабони Жанлуиджи Доннарумма эса рақибини бу устунликдан маҳрум қилишга уринди ва ўша эслатмани ғижимлаб, йиртиб ташлади. Бироқ бу Италия терма жамоасига ёрдам бермади — жамоа мундиални яна телевизор орқали томоша қиладиган бўлди.
Эслатиб ўтамиз, жаҳон чемпионатига АҚШ, Канада ва Мексика мезбонлик қилади.
